المقادير : كوب ماء – ٦٠ غرام زبدة – كوب طحين – ٤ بيضات – رشة ملح
مكونات كريم باتيسيير : كوبين حليب – نصف كوب سكر – ربع كوب نشاء(دقيق الذرة) – صفار ٣ بيضات – فانيليا وبرش ليمونة حامضة – ملعقة صغيرة زبدة
طريقة التحضير
يسخن الماء في قدر ونزيد عليه الزبدة لتذوب
منزيد فوقهن الطحين ونحركهن ليصيرو عجينة منضل نحركها دقيقتين ومنطفي النار
منحط العجينة بالخلاط ومنصير نحط فوقها بيضة ورا بيضة لتصير طرية ودبقة
منجيب صينية غير لاصقة او صينية عادية مع ورقة زبدة
الطريقة الاولى بات اشو(منستعمل كيس الحلويات ومنشكل العجينة بالقيمة دوائر بحجم المشمش تقريبا بعاد عن بعض محشي البأس اشو بعد ما تقطعها بالعرض ومنزينها بالسكر البودرة
الطريقة التانية اكلير(منستعمل كيس الحلويات لنشكل العجينة أصابع كل وحدة بعرض اصبعين وبعاد عن بعض كرمال رح ينفخو) محشي الاكلير بعد ما نقطعها بالعرض
ومنزينها بالشوكولا الذائبة او نيوتيلا
الطريقة التالتة اكلير الوزة (منشكل بشكل بيضاوي بصينية وبصينية تانية شكل رقم ٢ بالانكليزي)
وبالنسبة لحشوتها منقطع الاكلير بالبيضاوي بالعرض منحشي الطبقة يلي تحت ويلي الي فوق منقطعها بالطول متل الجانح ببين معكن بالصورة
منحط شكل 2 متل راس الوزة ومنثبتو بالكريما ومنحط جوانح الوزة ومنطلعهن شوي لبرا وممكن نحس الفراغ ب كريما الخفق اذا موجودة بس انا بفضل من دونها لنضل محافظين ع طعمة الاكلير
يخبزو ع درجة حرارة ١٩٠ ليزهرو تقريبا ٣٥ ل ٤٠ دقيقة بس رقم 2 بدو اقل من ربع ساعة ومنتركها تبرد تماما قبل ما نقطعها بالعرض لنحشيها
تحضير كريم باتسيير
منغلي الحليب مع برش الليمون وبجاط الخفق منخفق السكر وصفار البيض والنشاء منستعمل شوي من الحليب المغلي لنرخي المزيج
بعدين منحط خليط الخفق كامب فوق الحليب علنار ومنضل نحرك ليصير عنا متل الكاستر او اجمد بشوي منترك المزيج يفتر بعدين منزيد عليه الفانيليا والزبدة ومنحركو ومنحطو بصحن مسطح ومنغطيه بورق نايلون عشرط يكون النايلون ملامس الكريما لحتى ما ينشف وجها وبس تبرد بالبراد حوالي ٣ ل ٤ ساعات بصير فينا نستعملها للحشو مع العلم انو نفس وصفة الكريما ممكن نستخدمها لل ميل فوي وللتارت
